Wednesday, April 1, 2009

ԿԱՇԱՌԱՏՒՈՒԹԵԱՆ ԴԱՍԸՆԹԱՑ

Երեկ կնոջս մեքենայով խախտում անելու համար տուգանել են։ Սակայն տուգանել են ըստ հայրենական տարբերակի։

Խանութից դուրս գալուց Կոմիտասի պողոտայի վրայ կինս նկատել է, որ մի քանի հոգի հաւաքուած են մեր մեքենայի շուրջ։ Մօտեցել է։

“Քոյրիկ ջան բա ու՞ր ես, մի ժամ քեզ ենք ման գալիս”։ Տեղում կանգնած սակակառքի վարորդներ են եղել ու անցնող մարդիկ։

Պարզուել է, որ ճանապարհային ոստիկանը եկել, քանդել ու տարել է մեր մեքենայի յետեւի համարանիշը։

Սա է զանգել, նա է զանգել, մի քանի րոպէից ճանապարհի միւս կողմում յայտնուել է ոստիկանական մեքենան, որն անթոյլատրելի տեղից շրջադարձ է կատարել անցնելով ճանապարհի միւս կողմն ու կանգնել մեր մեքենայի մօտ։

“Խախտում էք արել։ Ձեր մեքենայի յետեւի անիւները գտնւում են երթուղայինների կանգառի գծի վրայ”։

“Ի՞նչ պիտի անեմ”։

“Տուգանքը քսան հազար դրամ է”։

Շատ է, քիչ է, սա խախտում չէ, սա խախտում է…

“Քոյրիկ ջան կարող էք տեղում վճարել, ծանօթ էք չէ մեր պայմաններին”։

Կինս բացում է պայուսակն ու պարզւում է, որ ունի տաս հազար դրամ` այն էլ տաս հազար դրամանոցի տեսքով։ Դա էլ հանում տալիս է ոստիկանին։

“Շատ չէ՞”։

“Դրէք տեղը ու նստէք ձեր մեքենան”։

Կինս նստում է մեր մեքենան։

“Քոյրիկ ջան բոլորի առաջ փող չեն տալ։ Հիմա գումարը դրէք ձեր պռաւայում (մեքենավարութեան վկայական) ու տուէք”։

Կինս էլ կատարում է ոստիկանի ասածները։

“Սպասէք”։

Սպասում է։ Ոստիկանը մօտենում է իրենց մեքենային։ Քիչ անց վերադարձնում է կնոջս մեքենավարութեան վկայականը ասելով՝ “Սա էլ ձեր զդաչին*”։

Ոստիկանը ոչ միայն կաշառատւութեան անվճար դասընթաց է իրականացնում, այլ լինելով բարեսիրտ վերադարձնում է հինգ հազար դրամ զդաչի։

Լաւ մնացէք։

* Զդաչի։ Վերադարձուող մանր դրամ։

1 comment:

Anonymous said...

shat cicaxeci, lavn er, urax exeq, ejhan eq prcel,
yerek parizum indz tuganecin 85 evro, yetevum nstac @nkers cher kapel gotin, isk 85 yevron qich pox che fransiayum, ba..isk kasharq tal, anhnar e, kasharq tvoxin dat e hasnum, voch voq risk chi ani:
harganqnerov' Hakob Parisic