Երեկոյեան աշխատանքից տուն եմ գնացել։ Ընթրում ենք եւ միաժամանակ հեռուստացոյցով դիտում լուրերը։
Լուր առաջին։ Արարատի մարզում մայրը խեղդամահ է արել իր երկու զաւակներին։
Լուր երկրորդ։ Այսինչ զօրամասում զինւորը սպանուել է իր զինակցի արձակած գնդակներից։
Լուր երրորդ։ Ասկերանի զօրամասում զինւորին հասցրել են խելագարութեան։
Չեմ կարողանում շարունակել։ Այսքան բացասական լիցք։
Եւ այս լիցքը ոչ միայն երեկոյեան լուրերը լսելիս, այլեւ հէնց առաւօտուանից, երբ հանդիպում ես հարեւանիդ կամ ընկերոջդ ու տեղեկանում, որ այսինչն իր խանութն է փակել, միւսը գաղթել է, երրորդ սպանուել զօրամասում, չորրորդին քցել են, հինգերորդը հացի փող չունի, իսկ քեզ էլ քցում է օրինակ գազի ընկերութիւնը...
Գոնէ բանակը լաւ վիճակում լինէր։
Պինդ մնացէք։
No comments:
Post a Comment