Thursday, September 17, 2009

ԳՆԱՑԵԼ ԵՆ

Պարսիկ համալսարանաւարտ քաղաքականութեան հետ գործ չունեցող մի երիտասարդ տղայ աշխատանքի բերումով երեք ամսով եղել էր Եւրոպայի մի քանի քաղաքներում։ Վերադարձին, երբ նրան հարցրինք ինչ է տպաւորութիւններդ, պատասխանեց՝ “Տղերք, մեր համեմատութեամբ նրանք ոչ թէ զարգացած են, կամ յառաջադիմել են, ոչ, բացարձակապէս, նրանք գնացել են, հետքն անգամ չկայ”։

Այդ տղան պարսիկ էր ու խօսում էր Իրանի մասին։ Իրանը գտնւում է Երրորդ Աշխարհի երկրների շարքում եւ այնքան էլ գայթակղեցուցիչ վայր չէ ապրելու համար։ Այդուհանդերձ իմ կարծիքով, ցաւօք, մեր երկիրը գտնւում է Չորրորդ Աշխարհի երկրների շարքում, որոնք մինչեւ Երրորդ Աշխարհ դեռ մի երկու հարիւր տարի ճանապարհ ունեն անցնելու։

Ամէն անգամ երբ համեմատում եմ երկու երկրների առողջապահական, բժշկական, ապահովագրական եւ այլ ոլորտները, էլ աւելի եմ համոզւում տեսակէտիս մէջ։ Սկզբում, երբ նոր էի եկել Հայաստան, այսպէս չէի մտածում։ Տեսնում է խնդիրները, սակայն այն կարծիքին էի, որ Հայաստանը շատ արագ ճանապարհ կանցնի ու թռիչք կարձանագրի։ Այսօր այդ կարծիքին չեմ։ Իսկ մենք որտեղ, Արեւմուտքը որտեղ։ Չեմ էլ կարծում, որ դա միայն մեր երկրին է վերաբերում։ Մի մտաւորական “նորանկախ հանրապետութիւններ” դարձուաքի փոխարէն, ասում էր “նոր յետ ընկած” հանրապետութիւններ։ Տխուր է, տխուր։

Պինդ մնացէք։

1 comment:

Anonymous said...

hetaqrqir kliner manramasnel te inchn e vat Hayastanum,???
yes yerkar jamanak e chem yexel aydtex, yes el mtatsum em te tarec tari poxvum e, depi lavn e gnum????