Saturday, September 26, 2009

... Ի ՄԱՔՍԱՅԻՆԷ ...(1)

Իմ կարծիքով մեր աղօթքի այն բաժնում, որտեղ ասւում է "Աստուած փրկէ զմեզ ի չարէ", պիտի անպայման աւելացնել "ի մաքսայինէ, ի հարկայինէ, ի ՕՎԻՐ-է ու էլի նման բաներէ"։

Ինչու՞։ Ասեմ։

Իրանում էի ու որոշեցի անձնական իրերս, որ մնացել էին այնտեղ, փոխադրել Հայաստան։ Առաջին անգամ 2002-ին այդ գործն արել էի, տուն ու տեղս փոխադրել էի Հայաստան։ Տուն ու տեղ այսինքն իմ տան իրերը, օգտագործուած, անձնական։ Փոխադրեցի, մէկ շաբաթ վազեցի մաքսային ծառայութեան այս գրասենեակից միւսը, տասերորդական պաշտօնեայի գրասենեակից առաջնային ու ի վերջոյ վճարելով $2500 ԱՄՆ դոլար միայն մաքսայինին, ապրանքներս տուն հասցրի՝ հայհոյելով ինքս ինձ։

Անցել էր 7 տարի։ Մնացած ապրանքներից չորս արկղ բեռնափոխադրման ընկերութիւններից մէկի միջոցով ինքս իմ ձեռքով ուղարկեցի Հայաստան, մինչ այդ ընկերութեան տնօրէնին մի քանի անգամ հարցնելով՝ դուք մինչեւ հիմա Հայաստան բեռ ուղարկե՞լ էք, մաքսայինում խնդիրներ չկա՞ն։ Մարդն էլ զարմանքով նայում էր ինձ ու պատասխանում, որ մենք աշխարհի տարբեր երկրներ ապրանք ենք ուղարկում, խնդիր չկայ, ինչու՞ պիտի խնդիր լինի, սրանք ձեր անձնական օգտագործուած իրերն են։ Ես էլ հարցս կրկնում էի, աշխարհի տարբեր երկրների հետ գործ չունեմ, Հայաստան բեռ ուղարկե՞լ էք։

Մաքսայինից զանգեցին, որ ապրանքներդ հասել են, եկ, տար։ Գնացի։ Առաջին իսկ պահից զգացի սխալս ու մտածեցի 2002-ին ինքս ինձ քիչ եմ հայհոյել, որ տարիներ անց կրկնել եմ նոյն սխալը։ Մի երկու գրասենեակ այցելելուց յետոյ ուղարկեցին պետի մօտ (այնքան, որ ես հասկացայ մի քանի պետ կար)։ Պետն էլ չի խօսում։ Ինքն ով, սովորական մարդիկ ով, կարժէ՞ն որ խօսի։ Առանց բարեւի պատասխան տալու՝ "մտիր այնինչի մօտ"։

Մտայ։ "Պիտի գրէք ձեր բերած ապրանքների անունները հատ առ հատ, կշիռը, արտադրման թուականը, արտադրող երկրի անունը..."։
-41 կիլօգրամ գիրք ունեմ, անունները եւ արտադրման երկրների անունները պիտի՞ գրեմ։
-Այո։
-Իսկ երեխայի խաղալիքները՞։
- Ի՞նչ խաղալիքներ են, փափուկ թէ այլ։
- Երկուսն էլ։
- Աւտօ էլ կա՞յ։
- Կայ։
- Գրէք փափուկ խաղալիքների կշիռը եւ արտադրման երկիրը, անուն առ անուն ցանկագրէք միւս խաղալիքները եւ արտադրման երկիրը։ Էլ ի՞նչ կայ։
- Բարձ։
- Որտեղի՞ արտադրութիւն է։
- Զոքանչիս։

Մարդը ծուռ ծուռ է նայում։ Պիտի գրէք արտադրման երկիրը։
- Ես այդքան բան որտեղի՞ց յիշեմ։
- Ես ուզում եմ քեզ օգնել, մտիր այնինչ գրասենեակը, զննման դիմում գրիր, դիմումդ տար այնինչ գրասենեակը, որ ստորագրեն, յետոյ տար այնինչ գրասենեակը, որ պեչատեն (կնքեն), դրանից յետոյ քեզ իրաւունք կը տան մտնես պահեստ, իրերդ բացես, էդտեղ մէկ մէկ ցանկագրիր ինչպէս ասացի, ու եկ ինձ մօտ"։
- Ես ուզում եմ իրերս յետ ուղարկել, ի՞նչ պիտի անեմ։
- Խորհուրդ չեմ տայ, դա աւելի բարդ է։

Շարունակեմ թէ՞ բաւական է։

3 comments:

Njdeh A said...

Թող որ Հ.Հ. սահմանադրութիւնն ու օրէնքի գործադրողները լինի այսպէս խիստ, ոչ թէ անձնական իրերի փոխադրման, այլ թմրադեղերի նկատմամբ:
Թող որ օրէնքը գործադրւի ամէնուր և ոչ միայն այնտեղ, որտեղ գործադրողի շահերն են խաթարւում:
Թող որ անվտանգութեան ծառայութեան բաժինը լինի աչալուրջ ոչ միայն հասարակական հաւաքների, այլ նաև այն պահին, երբ իր գլխաւորն է վտանգում երկրի անկախութիւնը, խաղաղութիւնը և մի խօսքով, ԱՊԱԳԱՆ:

Anonymous said...

Sargis jan, norutyun chi, bosha en , bosha, irenc morn el kcaxen mi qani kopeki hamar inch es asum,xeloq mardy et hotac yerkrum chi apri yexbayr

Anonymous said...

Ara esincha katarwum incheq achqatox anum etenc urodnerin lriw zeric gnacel en poxen klpum wonc iranc harmara bezpridela owa dranc harcerow zbaxwum harci lucuma petq tal wochte achkatox anel nranqel grpen chrpen wonc karum en marte arachine piti imana etenc depqerum um dimi ho menak pox talow chi chem jokum ow wonc uzum inch uzum anuma ho etenc chi uren et jerkire jerkir chi lini jete amen harcin lucum chtan tekuz jew manr marte piti imana um dimi etenc depqerumu wochte uzach chuzach pox ta dranq owen wapsche iranc kjanqow mek meke chka dni saxin woncwor petqna lacacni wor mjus anqam chanen minc hew jerp piti etenc kascharaker lineninchi marte piti arni abran q 20 jerwo xoski u muchi rastamoschkin mi 200 jewro et wortexa lswach
im harce karoche etenc depqerum um piti dimwi wor dranc harcere lucwi?????