Tuesday, February 9, 2010

ՀԱՃԵԼԻ Է...

Հաճելի է, երբ առաւօտուայ ժամը 4:20-ին, զըրոյից մի քանի աստիճան ցած ջերմաստիճանի պայմաններում, գտնւում ես տնից դուրս ու մտածում ես րոպէ առաջ տուն հասնել ցրտից ազատուելու համար ու մէկ էլ ընկերդ քեզ ասում է՝ տարեդարձդ շնորհաւոր։

Հաճելի է, երբ գրասենեակումդ նստած աշխատում ես ու մէկ էլ դուռը բացւում է ու ընկերներդ մի շիշ գինիով ու թխուածքներով ու մոմով ներս են մտնում՝ շնորհաւորելու ծննդեանդ տարեդարձը, քեզ դրանով անակնկալի մատնելով։

Հաճելի է, երբ մտնում ես facebook ու տեսնում ես ստացել ես տարեդարձի տասնեակ շնորհաւորանքներ։

Հաճելի է, երբ տուն ես գնում ու ... ստանում ես լիքը լիքը նուէրներ տարեդարձիդ առիթով։

Կեանքն ունի եւ հաճելի եւ տհաճ պահեր... Չգժուելու համար մենք պիտի երկուսն էլ տեսնենք։

Լաւ մնացէք։

1 comment:

Anonymous said...

Շնորհավոր ձեր ծննդյան օրը, ամենալավ բարիքներ, սեր և երջանկություն